“Ky është proces i montuar”- Seanca në Apel, Ervin Salianji publikon emrat e zyrtarëve të denoncuar: Janë të provuara me dokumente! Albert Veliun dhe Alfred Alizotin nuk i kam njohur kurrë

Në Gjykatën e Apelit mbahet sot (20 shtator) seanca e radhës ndaj deputetit të Partisë Demokratike, Ervin Salianji.

Vetë ligjvënësi demokrat është i pranishëm në seancë, ndërsa ai ka përmendur të gjithë emrat e zyrtarëve të denoncuar prej tij që nga Vangjush Dako, Arben Ndoka, Pjerin Ndreu, Artur Bushi etj.
Denoncimet e mia- thotë Salianji- janë të provuara me dokumente, ndërsa thekson se procesi ndaj tij është i montuar.
Ervin Salianji ndër të tjera sqaron se ky është një proces gjyqësor nga fillimi në fund pa kallëzim. “Nuk ka prova që me lidh as drejtpërdrejtë as ne mënyrë të tërthortë. Nuk kanë kapur dot një fotografi me Alizotin me mua”, ka thënë ndër të tjera Salianji.
“Albert Veliun dhe Alfred Alizotin unë nuk i kam njohur kurrë. Si e kam bërë unë një kallëzim te rremë , kur ata thonë që e kanë bërë vetë. Si ka mundësi që Alizoti nuk ka asnjë komunikim me mua, zero asnjë kontakt. Alizoti urdhëron drejtorin e policisë së Fierit me sill paratë se jam me shefin këtu. Alizoti urdhëron drejtorët e policisë së qarqeve. Drejtori i policisë Andon Marku i jep para këtij. Të gjithë këta prokurorët dhe gjyqtarët janë të gjithë te shkarkuar. Kulluri dhe Osmani u shkarkuan. Kol Hysenaj po ashtu”, është shprehur Salianji në deklaratë.
Deklarata e Ervin Salianjit para togave të zeza
Geron Xhafa ishte i dënuar në Itali për drogë dhe ishte i lirë në Shqipëri dhe kishte vëllain ministër të Brendshëm. Ne nxorëm dokumentin dhe e denoncuam por nuk pati asnjë reagim
Në funksionin tim si deputet dhe sekretar kam bërë denoncime te ndryshme në lidhje me funksionarë te lartë, për Arben Ndoka, Agron Cara, Flamur Bibe, Damian Gjiknuri, Erion Veliaj, Saimir Tahiri, Geron Xhafa, Artur Hushi, ervin Rroshi, vangjush Dako, Safet Gjici, Pjerin Ndreu dhe keshtu me radhë. Të gjitha keto ccështjet kanë qenë të denoncuara prej meje dhe të çuara në gjykatë. Të gjitha çështjet që kanë pasur ne çdo gjykatë janë fituar. Në vitin 2017 kemi nisur një denoncim për ish ministrin e Drejtësisë dhe deputetin e PS tanimë, që kishte favorizuar që vëllai i vetë me këto dy emra, i dënuar për trafik lendesh narkotike, i qenka dënuar reputacioni. Ne kemi nxjerrë dokumentin gjyqësor të gjykatës italiane ku kemi thënë ky njeri ka dënim.
Ka email-e qe vërtetojnë qe ne këtë audio përgjim e kemi patur në tetor 2017. Denoncimi është bere ne 4 maj 2018, në orën 11:00. Për tre dite me radhë pati heshtje nga ministri dhe vellai i vete dhe heshtje nga prokurorët. Zero reagim. Nëse një njeri preket ne mënyrë te padrejtë del dhe thotë nuk jam unë personi i denoncuar me zë. Se ajo është me zë. Ky zotëri denoncohet në oren 11:00, dhe pavarësisht dënimit të tij me burg, shkon me influencën e vellait të tij dhe vetedorëzohet. Prova qe është ngritur e gjithë kjo “farsë” është gje zëri i Agron apo Geron Xhafa ka ardhur me Usb, nga një avokat që tani mbron të gjithë ministrat e korruptuar. Ndërkohë kur ka qenë në prokurori, e ka ndihmuar qe t’i shmanget dënimit. Ka nje lidhje me shume se klient-avokat.
Albert Veliun dhe Alfred Alizotin unë nuk i kam njohur kurrë. Si e kam bërë unë një kallëzim te rremë , kur ata thonë që e kanë bërë vetë. Si ka mundësi që Alizoti nuk ka asnjë komunikim me mua, zero asnjë kontakt. Alizoti urdhëron drejtorin e policisë së Fierit me sill paratë se jam me shefin këtu. Alizoti urdhëron drejtorët e policisë së qarqeve. Drejtori i policisë Andon Marku i jep para këtij. Të gjithë këta prokurorët dhe gjyqtarët janë të gjithë te shkarkuar. Kulluri dhe Osmani u shkarkuan. Kol Hysenaj po ashtu.
Artan Gjermeni ka dalë në përgjimet e prokurorisë italiane si “zar” dhe “ushtar” i bandës se Lushnjës. Ky është trafikant droge dhe mbron trafikantët. Jam une ketu dhe nuk ka hetim për Fatmir Xhafën që e ka vëllain trafikant droge.
Unë dua ta rrëzoj qeverinë për ditë. Ca dmth kjo që unë jam kriminel? Si mund të gjendet një personazh që nuk e njeh njeri, se unë nuk e njoh Geron Xhafën. Si iu shkon imagjinata që ne si PD apo unë, e kam gjetur me zë të ngjashëm. Nuk kemi se si e gjejmë ne, për t’i krijuar atij dëmtim.
Gazetari thotë qe unë e kam bërë përgjimin në datë tetor 2017. Ja ku janë qelizat telefonike, kane qenë numrat e Jetmir Olldashit, Fredi Alizotit dhe Geron Xhafës në të njëjtën antenë telefonike. Si ka mundësi qe qelizat telefonike për të tre pulsojnë të lokali i Geron Xhafës. Dhe këte e kemi bërë me plan ne që ata duhet te shkojne aty? Si e bëjmë ne këtë. Unë në jetën time nuk e kam parë kurre Alizotin dhe Albert Veliun. Alfred Alizoti thote që Salianji na ka ofruar para dhe kemi takuar me të. Si Albert Veliu si Alfred Alizoti kanë qenë ose në Vlorë oee në Fier. Këta kane ardhur dhe me kanë marrë mua në telefon për te me dhënë mua stilolapsin, apo cffarë i ka thenë imagjinata. Cila është prova që më implikon mua? Që kam bërë denoncimin? Po do e bëj prapë dhe kur te dal nga këtu.
Unë e kam organizuar që të ndodhë kjo, thonë. Në datë 18, ka 7 mesazhe të këmbyera mes meje dhe gazetarit. 5 sms të derguara asnjë nga unë, por nga Olldashi dhe 2 të kthyera nga unë. Sms e parë, 18.10 ka qenë nga Olldashi. Olldashi ka bërë investigimin me Albert Veliun. Ka pasur kërkesë dhe deklarim nga ministri i brendshëm që ka thenë se ky është komplot shtetëror. E dini pse? Sepse ka patur operacion për ta arrestuar atë në vend. Sepse kanë qenë te informuara të gjitha institucionet. Është dekonspiruar procesi.
Si mund te jete një proces gjyqësor nga fillimi në fund pa kallëzim dhe pa patur une lidhje me këtë. Nuk ka prova që me lidh as drejtpërdrejtë as ne mënyrë të tërthortë. Nuk kanë kapur dot një fotografi me Alizotin me mua.
Prokuroria kërkon me pak se çfarë jep gjykata. Nqs ka bërë krim dhe nqs e kam bërë une, do përballem me të. Nuk besoj që ka njeri që vjen këtu dhe nuk thotë jam i pafajshëm. Po ku është krimi unë këtu? Ky është proces i montuar nga fillimi deri në fund për interesat e qarta të partisë në pushtet.
Ky është historiku i kësaj ngjarje, këto janë faktet. Nëse gjykatës do i duhet një dëshmitar për të dënuar një pushtetar, unë po them sot gjejmë 500 qytetarë që te kallëzojnë kryeministrin.
LEXO EDHE: Mbahet në Apel gjyqi për Ervin Salianjin, deputeti i pranishëm në seancë! Avokati: Të rihapet shqyrtimi gjyqësor! Të thirren të gjithë dëshmitarët
 

NDIQE LIVE “PANORAMA TV”

© Panorama.al
Burimi