“Fajtorët të marrin ndëshkimin e merituar”- Shpërthimi në kanalin e Ibër-Lepencit, kryeparlamentarja Spiropali: Jemi pranë institucioneve të Kosovës

Panorama.com.al

30/11/2024

👁1132

Kryeparlamentarja Elisa Spiropali ka reaguar pas shpërthimit në kanalin e Ibër-Lepencit, duke e konsideruar një akt terrorist.

Ajo shprehet se shkaktarët dhe fajtorët e këtyre akteve duhet të marrin ndëshkimin e merituar.
“Aktet terroriste të shkatërrimit të infrastrukturës kritike të furnizimit me ujë në Kanalin e Ibër-Lepencit, nuk dëmtojnë vetëm shërbimet jetike ndaj qytetarëve të Kosovës, por përpjekjet e popullit dhe institucioneve të Kosovës për siguri, zhvillim, mirëqenie, dialog e paqe, dëmtojnë klimën dhe përpjekjet për mirëkuptim dhe bashkëpunim në rajon.
Frymëzuesit, shkaktarët dhe fajtorët e këtyre akteve meritojnë ndëshkimin e merituar.
Jemi pranë institucioneve të Kosovës dhe mbështesim përpjekjet për kthimin e normalitetit, garantimin e qetësisë e sigurisë për qytetarët e Kosovës dhe gjithë rajonin.🇦🇱🇪🇺”, shkruan Elisa Spiropali.

NDIQE LIVE “PANORAMA TV”