EMRI/ Rekrutonte shtetase të huaja dhe i shfrytëzonte për prostitucion, arrestohet tutorja nga Azerbajxhani! Administronte një faqe eskortash dhe…

Panorama.com.al

11/12/2024

👁1050

Një tutore nga Azerbajxhani është arrestuar në Tiranë në kuadër të operacionit “Escort”, pasi dyshohet se rekrutonte vajza të huaja dhe më pas i shfrytëzonte për prostitucion.

Mësohet se në pranga ka rënë, Aynur Hamidova, ndërsa janë proceduar penalisht 5 shtetas të tjerë, 4 shtetase prej tyre për ushtrim prostitucioni dhe 1 shtetas për shfrytëzim prostitucioni.
Policia thote se 35-vjeçarja rekrutonte vajza të huaja, nga Turqia dhe Azerbajxhani, dhe më pas duke përdorur një faqe online i shfrytëzonte për prostitucion.
“Në momentin që vajzat e rekrutuara kërkonin të tërhiqeshin nga ky aktivitet kriminal, autorja e dyshuar me anë të fotove të publikuara në këtë faqe, ushtronte presion ndaj tyre”, thote policia.
Njoftimi:
Finalizohet operacioni policor i koduar “Escort” nga Seksioni për Hetimin e Trafiqeve të Paligishme në DVP Tiranë.
Rekrutonte shtetase te huaja të cilat më pas i shfrytëzonte për prostitucion, me anë të një faqeje eskortash që administronte, arrestohet një 35-vjeçare nga Azerbajxhani.
Procedohen penalisht 5 shtetas të tjerë, 4 shtetase prej tyre për ushtrim prostitucioni dhe 1 shtetas për shfrytëzim.
Specialistët e Seksionit për Hetimin e Trafiqeve të Paligjshme, në drejtimin e Prokurorisë pranëGjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërive në fushën e trafiqeve të paligjshme, kanë organizuar dhe finalizuar operacionin policor të koduar “Escort”.
Në kuadër të këtij operacioni:
– u arrestua shtetasja A. H., 35 vjeçe, nga Azerbajxhani, banuese në Gjeorgji dhe Tiranë, e dyshuar për kryerjen e veprave penale “Shfrytëzimi i prostitucioni” dhe “Prostitucioni”.
U proceduan në gjendje të lirë:
– për ushtrim prostitucioni shtetaset G. Ç., 40 vjeçe, K. I., 32 vjeçe, S. E., 26 vjeçe, M. H., 26 vjeçe, A. S., 32 vjeçe, banuese përkohësisht në Tiranë;
– për shfrytëzim prostitucioni shtetasi D. A., 51 vjeç, banues në Tiranë.
Shtetasja A. H., dyshohet se rekrutonte shtetase të huaja, nga Turqia dhe Azerbajxhani, dhe më pas duke përdorur një faqe online i shfrytëzonte për prostitucion. Në momentin që vajzat e rekrutuara kërkonin të tërhiqeshin nga ky aktivitet kriminal, autorja e dyshuar me anë të fotove të publikuara në këtë faqe, ushtronte presion ndaj tyre.
Materialet i kaluan Prokurorisë.

NDIQE LIVE “PANORAMA TV”