Dhunoi brutalisht 42-vjeçarin nga Bilishti, policia identifikon dhe shpall në kërkim autorin! Ja dyshimet për ngjarjen (EMRI)

Panorama.com.al

16/07/2024

👁749

Policia e Tiranës ka identifikuar autorin që një ditë më parë dhunoi brutalisht 42-vjeçarin Rigels Kaso. Mësohet se në kërkim është shpallur 34-vjeçari nga Peshkopia, Bajram Gjeleshi, i cili e ka dhunuar me sende të forta për motive të dobëta.

42-vjeçari Kaso ndodhet në gjendje të rëndë shëndetësore, madje raportohet se ai ka pësuar vdekje klinike.
Njoftimi:
Në vijim të njoftimit paraprak të dhënë ditën e djeshme, më datë 15.07.2024, specialistët e Sektorit për Hetimin e Krimeve ndaj Personit kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe po punojnë për kapjen e shtetasit B. Gj., 34 vjeç, lindur në Peshkopi dhe banues në Tiranë.
Shtetasi B. Gj., ditën e djeshme, më datë 15.07.2024, në rrugën “Sokrat Miho”, dyshohet se për motive të dobëta, ka goditur me sende të forta shtetasin R. K., 42 vjeç, banues në Bilisht, i cili ndodhet në spital, nën kujdesin e mjekëve.
Materialet i kaluan Prokurorisë për veprën penale “Plagosja e rëndë me dashje”, parashikuar nga neni 88 i Kodit Penal.
DESHMIA E FQINJIT
‘’Ishte djalë i shkëlqyer, edhe mos e kishe mendje do të fliste nëse të shihte në rrugë jo vetëm mua por të gjithëve. Tani po e bisedoja me gruan edhe u çuditëm. Ai jetonte në Bilisht, në këtë pallatin këtu. Këto 2- 3 ditë nuk e kam parë. Ai jetonte vetëm, e ëma jetonte jashtë shtetit. Ai rrinte me gjyshen , pas vdekjes së gjyshes jetonte vete. Ai ishte specialist elektrik, punonte edhe punë private kur e thërrisin. Edhe ne kur kishim probleme e thërrisnim e vinte, nuk na merrte as lekë. Nuk punonte në Tiranë , se di pse ka shkuar. Nuk e di çfarë ka në Tirane. Si njeri është i shkëlqyer’’

NDIQE LIVE “PANORAMA TV”