Basket/ Liga Unike e femrave, nis sot edicioni 2024-2025

Postuar: Nëntor 20, 2024 | 11:47

Liga Unike, kompeticioni i përbashkët për klube në basketboll mes Shqipërisë dhe Kosovës, do të nisë sot edicionin e katërt për femra. Aktiviteti do të zhvillohet me dy faza të sezonit të rregullt, për të kaluar më pas në “Final 4”.

Edhe në këtë edicion do të marrin pjesë gjashtë ekipe, ku tri do të jenë nga Kosova dhe tri nga Shqipëria për të garuar për titullin e kampionit. Java e parë do të nisë sot me dy takime, ku sfida hapëse do të zhvillohet ndërmjet Bashkimit dhe Flamurtarit, përkatësisht kampioneve të Kosovës dhe nënkampionëve të Shqipërisë, përballje që do të nisë në orën 17:00.
Ndërkohë, po sot, në orën 17:30 do të ndeshen Partizani dhe Junior 06 Moni Bau, ku kjo e fundit garon për herë të parë në Ligën Unike. Për herë të parë do të konkurrojë edhe Peja 03, që do të presë nesër Tiranën, kampionen e Shqipërisë, takim që starton në orën 17:00. Për tu theksuar është mungesa e fitueseve në fuqi të këtij kompeticioni, Prishtinës, që ka vendosur ta snobojë këtë aktivitet.
PANORAMASPORT.AL

NDIQE LIVE “PANORAMA TV”
Burimi