Zelensky apel Britanisë: Na lejoni t’i përdorim raketat brenda Rusisë që të rrëzojmë Putinin nga pushteti

Zelensky dhe Putin

Presidenti ukrainas Volodymyr Zelensky ka bërë presion mbi Britaninë për të lejuar sulmet me raketa thellë brenda Rusisë, pasi ai pretendonte se sulmi ndërkufitar i ushtrisë së tij mund të rrëzonte Vladimir Putinin.
Deri të hënën në mbrëmje, forcat ukrainase kishin nën kontroll rreth 1,000 kilometra katrorë të Kurskut, një rajon kufitar në Rusinë jugore, sipas gjeneralit të lartë të Kievit.
Sulmi i befasishëm ndërkufitar shënon pushtimin e parë të huaj në tokën ruse që nga Lufta e Dytë Botërore.
Zelensky tha se “katastrofa e Kurskut” 24 vjet më parë, në të cilën 118 marinarë rusë vdiqën në një aksident nëndetëse, shënoi fillimin e sundimit të Putinit.
“Dhe tani është e qartë se ky është fundi për të. Dhe është gjithashtu Kursk”, tha presidenti ukrainas.
Ndërsa forcat ruse kryen kundërsulme përgjatë vijës së frontit të Kurskut, Zelensky i luti edhe një herë aleatët perëndimorë që të lejohen të përdorin raketa me rreze të gjatë veprimi thellë brenda Rusisë.
Ai tha se kishte udhëzuar zyrtarët e mbrojtjes dhe diplomatët që “të paraqesin një listë të veprimeve të nevojshme nga ana jonë për të marrë leje nga partnerët tanë për të përdorur armë me rreze të gjatë për të mbrojtur territorin tonë”. 
Ndërkohë presidenti rus Vladimir Putin e cilësoi ofensivën si një provokim madhor dhe urdhëroi forcat ruse të dëbojnë armikun nga territori i vet.
Mbi 120 mijë persona janë evakuuar nga rajoni i Kursk, e 59 mijë të tjerë janë urdhëruar të bëjnë të njëjtën gjë. Evakuime ka pasur edhe në rajonin e afërt të Belgorod.
Sipas guvernatorit të Kursk, 28 fshatra në zona kanë rënë në duart të forcave të Kievit, 12 civilë janë vrarë dhe situata mbetet e vështirë. Inkursioni i paprecedentë i trupave të Kievit nisi të martën, me përfshirjen e mijëra ushtarëve që siç thuhet kanë avancuar 30 km në brendësi të Rusisë. 
Burimi