“Veprim anti-kushtetues”, Kreshnik Spahiu: Mos shpallja e zgjedhjeve të parakohshme në Himarë, skandal!

Për juristin Kreshnik Spahiu mos shpallja e zgjedhjeve të parakohshme për bashkinë e Himarës, është një skandal që shkel kushtetutën.
Duke folur për Fredi Belerin dhe opozitën në “Report Tv”, Spahiu thotë nga ana tjetër se protestat e PD-së janë vetëm për të treguar se kush është lideri i opozitës dhe nuk ka lidhje me kauzat e qytetarëve.
“Ndjej keqardhje që Shqipëria nuk po shpall zgjedhje të parakohshme në Himarë, skandal që lë popullin e Himarës pa përfaqësues. Vlerësoj që çdo parti ka të drejtë të protestoj. PD ka traditë të suksesshme për protesta, por ka qenë kampion në protesta dhe humbëse në zgjedhje. Ka 30 vjet në Shqipëri asnjë qeveri nuk bie nga protestat. Protestat politike nuk kanë çuar në zgjedhje të parakohshme. Janë vetëm konsum i kauzave popullore, për ti djegur ato.
Më vjen keq që nuk isha dje para spitalit për të protestuar. Janë kauzat që çojnë në rrëzimin e një regjimi politik. Protestat e 11 korrikut kërkon të vërë vulën që opozitë në Shqipëri është vetëm Sali Berisha. Qëllim për të minuar çdo iniciativë tjetër politike. Mentalitet idiot, që kush nuk është me Berishën, është pro Ramës. Nuk ka një pjesë intelektuale që mendon se këta janë bashkë. Është ndeshje bastesh. Synojnë që përgjithmonë të vënë shishen e qumështit dhe të marrin peng bunkerin opozitar”, tha ai.spahiu
Burimi