Sherr me thika në Elbasan, arrestohet një 36-vjeçar

Një sherr me thika dhe sende të forta mes disa personave, ka ndodhur pak më parë në Elbasan. Mësohet se një 36-vjeçar ka goitur me mjet prerës një 50-vjeçar, ndërsa 50-vjeçari dhe i afërmi i tij janë përgjigjur me grushte dhe sende të forta. 
Policia arrestoi 36-vjeçarin si dhe nisi hetimin në gjendje të lirë për 50-vjeçarin dhe të afërmin e tij 33-vjeçar. 
“Komisariati i Policisë Elbasan arrestoi në flagrancë shtetasin N. Gj., 36 vjeç, si dhe referoi materialet në Prokurori, ku nisi procedimi në gjendje të lirë për shtetasit L. B., 50 vjeç dhe R. M., 33 vjeç, pasi gjatë një konflikti për motive të dobëta, 36-vjeçari ka dëmtuar lehtë, me mjet prerës, shtetasin L. B., ndërsa 50-vjeçari dhe shtetasi R. M. (të afërm të njëri-tjetrit) kanë goditur me grushte dhe send të fortë, 36-vjeçarin”, njofton policia. 
Burimi