Lufta bërthamore po afron/ Putin shpall fundin e paktit Gorbaçov-Regan dhe urdhëron prodhimin e raketave nukleare!

Vladimir Putin

Putin udhëzon të vetët të nisin prodhimin në masë të raketave bërthamore me rreze të mesme veprimi….

Rusia ka vënë sërish në alarm Perëndimin. Presidenti Vladimir Putin ka njoftuar sot fundin e paktit mes Mikhail Gorbaçov dhe Ronald Regan të 1988, të cilët ranë dakord për të ndaluara raketat bërthamore dhe konvencionale me bazë tokësore me rreze veprimi prej 500-5500 kilometrash.
Sipas TASS, zbatimi i Traktatit të Forcave Bërthamore me Rreze të Mesme (INF) ishte tema qendrore e takimit të presidentit rus Vladimir Putin me Këshillin e Sigurimit të Rusisë.
“Sot, ne do të diskutojmë hapat e mëtejshëm të Rusisë në lidhje me moratoriumin e njëanshëm për vendosjen e raketave tokësore me rreze të mesme dhe më të shkurtër”, tha ai.
Putin kujtoi se disa vite më parë Shtetet e Bashkuara ishin tërhequr nga traktati me një pretekst të shpikur prej tyre dhe tregoi planet për të prodhuar sisteme të tilla raketore.
Në vitin 2019, Rusia u zotua se do të përmbahet nga prodhimi dhe vendosja e sistemeve të tilla për sa kohë që Shtetet e Bashkuara refuzojnë t’i vendosin ato në çdo pjesë të botës. Por duket se kjo ka marrë fund.
“Tani dihet se Shtetet e Bashkuara jo vetëm që i kanë prodhuar këto sisteme raketore, por i kanë përdorur tashmë gjatë stërvitjes në Evropë, në Danimarkë. Jo shumë kohë më parë u njoftua se ato janë në Filipine. Nuk ka informacion nëse këto raketa u hoqën prej andej apo jo”, tha Putin.
“Ne duhet të fillojmë prodhimin e këtyre sistemeve, bazuar në situatën aktuale, të marrim vendime se ku – nëse është e nevojshme për të garantuar sigurinë tonë – t’i vendosim ato”, shtoi ai.
Që nga tërheqja nga traktati, Ushtria e SHBA-së ka ecur përpara me zhvillimin e një aftësie raketore konvencionale, të lëshuar nga toka, me rreze të mesme të quajtur Typhon, e cila do të ishte e ndaluar sipas INF. Ushtria amerikane kreu teste për to gjatë një stërvitjeje në Filipine këtë pranverë.
Pakti i fundit i mbetur për kontrollin e armëve midis Uashingtonit dhe Moskës është Traktati i Ri i Reduktimit të Armëve Strategjike, i cili kufizon çdo vend në jo më shumë se 1 550 koka bërthamore të vendosura dhe 700 raketa dhe bombardues të vendosura.
Ai është caktuar të skadojë në vitin 2026 dhe mungesa e dialogut për arritjen e një marrëveshjeje pasardhëse i ka shqetësuar ata që kërkojnë kontrollin e armëve.
Burimi