Lacio në pritje të vendimit të Elseid Hysajt, mbrojtësi kuqezi “mban peng” merkaton e bardhekaltërve

Lacio ka nxjerrë jashtë planeve Elseid Hysajn, por për mbrojtësin nuk ka mbërritur ende asnjë ofertë në klub dhe tani për bardhekaltrit ky është kthyer në problem serioz. Hysaj luan prej vitesh në Serinë A dhe tashmë mbetet e paqartë se ku do të vijojë karrierën.
Siç raportojnë mediat italiane, për Hysajn kanë shprehur interesim dhe po marrin informacione te klubi bardhekaltër vetëm disa klube nga Arabia Saudite dhe Katari. Por asnjë prej tyre nuk ka bërë hapin konkret, duke sjellë jo pak telashe tek italianët.
Rroga e lartë e Hysajt, pengon që për momentin klubi të bëjë një lëvizje për të afruar futbollistë të tjerë në krahët e mbrojtjes. Italianët kanë një akord me futbollistin shqiptar që ta lënë të largohet si lojtar i lirë nëse merr një ofertë që i intereson, pasi në këtë mënyrë shpëtojnë nga rroga e tij që kalon 2 milionë eurot në sezon.
Por fakti që Hysaj vazhdon i qetë pushimet dhe në adresë të tij deri tani nuk ka oferta interesante, ka bërë që situata të mos ndryshojë dhe Lacio të jetë në pritje të transferimit të mbrojtësit shqiptar, para se të bëjë hapin konkret për afrimin e një lojtari tjetër.elseid hysaj mbrojtësi i kombëtares shqiptare lacio
Burimi