Kërkon më shumë minuta në fushë, gardiani i portës kuqezi huazohet tek ekipi tjetër gjerman

Simon Simoni është zyrtarisht futbollisti i ri i Injolshtad. Është vetë klubi që konfirmon lajmin e qarkulluar më parë, teksa njofton në faqen zyrtare afrimin e talentit shqiptar në formë huazimi nga Frankfurti.
Ky vendim i Frankfurtit vjen pasi drejtuesit besojnë shumë në cilësitë e gardianit shqiptar dhe huazimi shihet si hapi i duhur për zhvillimin dhe adaptimin e tij perfekt me futbollin profesionist gjerman.
19-vjeçari do të bashkohet me ekipin e ri që militon në Bundesliga 3 dhe do të ketë minutat e garantuara ku do të fitojë formën ideale për sezonin e ardhshëm si një alternativë potenciale për portën e Frankfurtit.
Lajm fantastik gjithashtu edhe për Silvinjon e Kombëtaren shqiptare që e shohin Simonin si portierin që do të mbrojë kuadratin kuqezi për dekadën e ardhshme. Simoni, madje, ishte pjesë e Shqipërisë në “EURO 2024” edhe pse nuk ia doli të bëhej pjesë e listës zyrtare.
simon simoni portieri i kombëtares shqiptare injolshtad
Burimi