Greqia në luftë me flakët/ Zjarret shënojnë viktimën e parë, autoritetet apel banorëve të largohen nga shtëpitë në Atikë

Greqia në luftë me flakët

Më shumë se 670 zjarrfikës punojnë për të kontrolluar zjarret e fuqishme të cilat kanë djegur më shumë se 15.000 hektarë pyje dhe dhjetëra banesa në periferi të Athinës.

Atika vazhdon të përballet me makthin e zjarrtë, për shkak të zjarrit të ndezur që prej mesditës së të dielës, ndërsa gjatë natës në një pallat në Patima Vrilission u gjet një trup i djegur, ndoshta i një gruaje.
Erërat sot janë më të dobëta se dje, por forcat që veprojnë janë përballur me shumë vatra aktive të shpërndara.
Shpërthimet e vatrave të reja janë të vazhdueshme me problemin më intensiv në Nea Makri ku flakët janë afruar pranë banesave të para në vendbanimin Erythros. 
Forcat zjarrfikëse u dërguas mesazh banorëve që të largohen nga vendbanimi nëpërmjet Marathon Avenue drejt Rafinës.
Zjarret kanë çaktivizuar linjat e tensionit të lartë dhe nënstacionet e tensionit të mesëm.
Sipas Hartës së Parashikimit të Rrezikut nga Zjarri, për ditën e sotme parashikohet një rrezik shumë i lartë zjarri (kategoria e rrezikut 4) për zonat e mëposhtme:
– Rajoni i Atikës- Rajoni i Greqisë Qendrore (PE Boeotia, PE Evia)  
Forcat zjarrfikëse të angazhuara
702 zjarrfikës me 27 ekipe pyjore, 199 automjete dhe vullnetarë po punojnë për shuarjen e zjarrit me ndihmën e të gjitha agjencive të Mbrojtjes Civile si dhe 3 avionë dhe 9 helikopterë, njëri prej të cilëve po koordinon.
Sot në Greqi pritet të mbërrijnë forca nga Franca, Italia, Serbia, Çekia, Turqia dhe Rumania për ndihmë nëpërmjet Mekanizmit Evropian të Mbrojtjes Civile.
Ndërkohë zjarrfikësit kanë nxjerrë trupin e pajetë të gruas rreth 60 vjeç nga një godinë që ishte përfshirë nga flakët në vendin e quajtur Patima Halandri në Greqi.
Më herët, godina industriale në të cilën punonte viktima ishte përfshirë nga zjarri që ra në zonë të hënën pasdite.
20 punonjës të kompanisë u evakuuan në kohë, por gruaja, që mësohet se është shtetase e huaj dhe kishte leje qëndrimi në Greqi nuk mundi të dilte dhe për pasojë humbi jetën mes flakëve.Trupi u saj u gjet i karbonizuar dhe u dërgua në morg, ku pritet t’i kryhet ekspertiza mjekoligjore.greqia në luftë me flakët
Burimi