“Do të kisha dashur të luaja me Ronaldon”, Mbape: Ai dhe Mesi janë legjenda

Sulmuesi i Real Madridit, Kilian Mbape ka folur në BeIN Sports për dy nga futbollistët më të mëdhenj të të gjitha kohërave, Lionel Mesi dhe Kristiano Ronaldo.
“Sigurisht që do të më pëlqente të luaja me Kristiano Ronaldon, është gjithmonë bukur të luash me lojtarë të jashtëzakonshëm, si ai apo si Leo Mesi. Kur flasim për Kristianon, flasim gjithmonë edhe për Mesin. Jam i lumtur sepse kam luajtur me shumë lojtarë të mëdhenj: Nejmar, Pogba, Grizman, Benzema…”.
Mbape kujton se ka luajtur edhe me Leo Mesin dhe i rikthehet dualizmit mes argjentinasit dhe Ronaldos: “Mendoj se do të ishte mirë të luaja me të, por tani do të jetë e vështirë. Kam luajtur kundër tij disa herë, ai është një legjendë. Unë kam një marrëdhënie të shkëlqyer me Leo Mesin”, përfundoi ai.
Burimi