Barnat, sfida për të mbërritur tek qytetari!

Zhvillohet konferenca e dytë Pharma Horizon2025 me temë: “Rikonceptimi i kujdesit shëndetësor – Vizion për një Shqipëri më të Shëndetshme”. Në këtë konferencë, të organizuar nga Unioni i Biznesit Farmaceutik në bashkëpunim me Shoqatën Shqiptare të Përfaqësuesve Farmaceutikë u mblodhën për herë të parë në këto nivele, të gjithë aktorët e industrisë farmaceutike dhe sistemit shëndetësor në vend.
E koncepetuar me 3 panele diskutimesh, konferenca adresoi sfidat e këtij sektori, duke vënë theksin tek nevoja për bashkëpunim e partneritet në të gjitha hallkat.  Të pranishme në konferencë ishin Ministrja e Shëndetësië dhe Mbrojtjes Sociale Albana Koçiu dhe Ministrja e Shtetit për Sipërmarrjen dhe Biznesin, Delina Ibrahimaj.
Konferenca u hap nga kreu i Unioniti të  Biznesit Farmaceutik, Dorian Sadiku i cili nënvizoi se një takim i tillë profesionistësh, është platofrma dhe mundësia më e mirë për të thelluar bashkëpunimin  dhe ofruar zgjidhje në mënyrën më konstruktive të mundshme. “Ne kemi në dorë, dhe unë besoj se kemi tashmë edhe përvojën, edhe traditën, edhe motivimin e duhur që të bëjmë më shumë dhe më mirë në kushtet tona. Këtë konferencë, e shoh si një kontribut modest, por të nevojshëm për përpjekjet tona të përbashkëta’, u shpreh presidenti i UBF në fjalën e tij.
Në vijim, ai rendititi disa nga shqetësimet e sektorit, duke pasur në fokus pacientin që është edhe përfituesi kryesor i kësaj industrie.
“E para, ka të bëjë me respektimin e afateve kohore. Afatet kohore janë jetike për planifikimin e bizneseve dhe për sigurimin e disponueshmërisë së barnave. Vonesat kontribuojnë drejtpërdrejt në mungesa të barnave dhe cënojnë kujdesin ndaj pacientëve. Respektimi i tyre nuk është luks, por domosdoshmëri jetike. E ripërsëris, një treg i kufizuar si Shqipëria është tmerrësisht e vështirë që të bëhet tërheqës për kompanitë e mëdha farmaceutike. Përballë tyre ne mund të fitojmë kredibilitet vetëm duke afruar besueshmëri, siguri e profesionalizëm”, tha Sadiku.
Ai u ndal gjithashtu edhe tek një tjetër problematikë,që lidhet me varësinë nga sistemi i prokurimeve.
“Barnat nuk janë mallra të zakonshme. Trajtimi i tyre si mall i zakonshëm duke u mbështetur vetëm te sistemi i prokurimeve, thjeshtëzon një çështje shumë komplekse. Prokurimi, mund të jetë një pjesë e zgjidhjes, por nuk mund të jetë e vetmja mënyrë për menaxhimin e nevojave në shëndetësi”, theksoi presidenti i UBF-së në fjalën e tij.
Sadiku, evidentoi gjithashtu nevojën për një politikë të qëndrushme të çmimeve, pasi ulja përhershme e çmimeve të barnave nuk është zgjidhje universale për të përmirësuar aksesin në to. Për rrjedhojë nevojiten qasje të balancuara që sigurojnë njëkohësisht përballueshmërinë për pacientët dhe qëndrueshmërinë për bizneset për të investuar në inovacion dhe cilësi.
Presideti i Shoqatës Shqiptare të Përfaqësuesve Farmaceutikë, Kliti Hoti u ndal te investimi për nëvoën e trajtimeve inovative si invesim  për një sistem shëndetosr më efikas.
“Këto investime përmirësojnë shëndetin dhe mirëqenien e gjithë shoqërisë shqiptare. Trajtimet inovative jo vetëm që ulin kostot afatgjata, por ndihmojnë në ndërtimin e një force pune më të shëndetshme dhe më produktive, duke kontribuar në zhvillimin ekonomik dhe përmirësimin e cilësisë së jetës së qytetarëve”, tha Hoti.
Ai shtoi se Shqipëria ndodhet në një udhëkryq dhe duke mësuar nga praktikat më të mira të BE-së dhe duke investuar në terapi inovative dhe zgjidhje digjitale shëndetësore, sfidat shëndetësore mund të transformohen në mundësi.
“Kjo kërkon bashkëpunim midis politikëbërësve, sektorit privat dhe profesionistëve të shëndetësisë për të prioritizuar shëndetin si një shtyllë të rëndësishme për rritjen ekonomike dhe shoqërore. Së bashku, mund të krijojmë një sistem shëndetësor që ofron rezultate më të mira për pacientët dhe forcon të ardhmen e vendit”, tha Hoti.
Drejtuesi në detyrë i zyrës së OBSH në Tiranë, Gazmend Bejtja, gjatë konferencës përcolli rekomandimin e dikasterit më të lartë shëndetësor për rritje të financimit publik.
“Në vendet me të ardhura të mesme të ulta shpenzime nga xhepi i zënë medikamentet dhe këtu bën pjesë dhe Shqipëria. Sa më shumë të shtohet financimi publik për shëndetësinë aq më të pakta janë shpenzimet nga xhepi, aq më të pakat janë shpenzimet rrënues për ekonomitë familjare.në Shqipëri jemi diku tek 3,3% i GDP, cili është më i ulët se mesatarja e BE dhe rekomandimi i OBSH-së është të shkojë të paktën 4,5% e GDP të jetë fianncim publik dhe kjo reflektohet në uljen e shpenzimeve nga xhepi”, tha Bejtja.
Burimi