Ancelotti drejt largimit nga Real Madridi, Ronaldo e kërkon te Seleçao

Carlo Ancelotti

Carlo Ancelotti nuk po shijon një sezon të suksesshëm deri më tani, kjo pasi pikëpyetjet e para nga mediat iberike janë ngritur mbi italianin, për shkak të rezultateve të këtij sezoni, me “Los Blancos” që kanë patur shumë ulje ngritje gjatë këtij sezoni.
Emri i tij ishte shumë i lakuar një vit më parë, teksa mediat folën për një afrim të tij tek kombëtarja braziliane e futbollit. Mirëpo Ancelotti zgjodhi të vijonte bashkëpunimin me merengues. Për momentin duket se tekniku italian nuk pëlqen idenë për t’u larguar nga të qenurit çdo ditë në stërvitje me ekipin e tij, por ka një emër që mund ta bëjë atë të ndryshojë mendim. Ai quhet Ronaldo Nazaro Da Lima. Ronaldo fenomeni ka hedhur kandidaturën për të qenë në krye të Federatës braziliane të futbollit dhe nëse ai do të zgjidhej në këtë post, emri i parë që do të propozonte për ta vendosur në krye të “Seleçaos” do të ishte ai i Don Carlos. Kombëtarja braziliane nuk po afron stabilitet në rezultate në drejtimin e teknikut Dorival, ndaj Ronaldo ka menduar që tani për njeriun e duhur që ta kthehjë këtë kombëtare në majën e futbollit botëror.
Për momentin Ancelotti duket se gëzon besimin e Fiorentino Perez, me të cilin ka një marrëveshje deri në vitin 2026, por Reali i tij dihet të rikthehet në garë e të konfirmojë sukseset e një sezoni më parë si në Spanjë, po  ashtu edhe në Evropë, në të kundërt nuk do të ishte çudi një largim i italianit më herët se kontrata të përfundojë nga kryeqyteti spanjoll.carlo ancelotti real
Burimi