A është e kënaqur PS me punën e SPAK? Çudit Petro Koçi: Të mos merret vetëm me politikën, por edhe me oligarkët
I ftuari i mbrëmjes së sotme në podakstin “Të pashoq”, në kanalin e “Pamfletit” në YouTube është deputeti i PS, Petro Koçi. Ai ka folur lidhur me punën e SPAK, ndërsa ka deklaruar se Prokuroria e Posaçme duhet të punojë më shumë ndaj oligarkëve.
Si e vlerësoni punën e deritanishme të SPAK?
Unë e quaj shumë të suksesshme domethënë ka krijuar rezultate të cilat ishin të paimagjinueshme më parë. Për SPAK nuk ka më njeri te paprekshëm. Unë mendoj që duhet bërë më shumë ndaj oligarkëve, pak është bërë në këtë drejtim. Ka nevojë për më shumë.
Oligarkët tuaj janë, pushteti ja jep tenderat.
Oligarkët nuk është se janë patjetër produkt i tenderave. Unë mendoj që në momentin që e do kemi edhe oligarkë në bankën e të akuzuarve do jetë një lajm shumë i mirë. Rezultati i deritanishëm për mua është shumë i mirë. E kam thënë disa herë deri tani.
Deklaratë e fortë kjo që nuk e kam dëgjuar nga socialistët
Ajo që ke dëgjuar është që ne mbështesim drejtësinë e re. Kjo është më e rëndësishme sesa përzgjedhja e vetëm një kategorie të caktuar.
