Operacioni antidrogë: Një avokat ka ndërhyrë te zyrtarët e lartë, dy policë janë pjesë e grupit kriminal!

Prokurori Vladimir Mara ka zbuluar detaje të reja mbi operacionin e gjerë antidrogë, ku rezulton se janë përfshirë edhe dy efektivë policie dhe një avokat. Sipas tij, njëri nga policët dyshohet se ka qenë pjesë e një grupi të strukturuar kriminal, ndërsa tjetri është i përfshirë në akte korruptive. Njëri ka punuar në Policinë Kufitare, tjetri ka qenë shef seksioni. Nga ana tjetër, avokati akuzohet për ndikim të paligjshëm në disa zyrtarë të lartë, përfshirë edhe figura brenda sistemit të drejtësisë.