Nis me tensione revolta e studentëve te Ministria e Arsimit, shoqërohen dy protestues

Ka nisur me tensione protesta e studentëve te Ministria e Arsimit. Policia ka ndërhyrë duke bërë shoqërimet e para. Ndërkohë policia ka ngritur kordon siguria. Ngjarja është regjistruar gjatë zhvillimit të tubimit, ndërsa deri më tani nuk janë bërë të ditura arsyet e shoqërimit apo rrethanat e plota të incidentit. Protestës po i bashkohen edhe përfaqësues të Partisë Demokratike dhe mbështetës të saj. Studentët janë mbledhur sot  në protestën e radhës para Ministrisë së Arsimit për të përcjellë kërkesat dhe qëndrimet e tyre, të cilat vijojnë prej disa javësh.