Nderimet shtetërore në funeralin e “Kasapit të Bosnjës” Mlladiç, kryeministri kroat kritikon ashpër Serbinë: Një fyerje ndaj viktimave!

Kryeministri kroat, Andrej Plenkoviç, kritikoi në OKB ceremoninë e zhvilluar në Beograd për Ratko Mlladiqin, duke e cilësuar atë si fyerje për viktimat dhe aktgjykimet e gjykatave ndërkombëtare. Plenkoviç tha se pajtimi në rajon kërkon pranimin e përgjegjësisë për krimet e së kaluarës dhe refuzimin e glorifikimit të tyre. “Mendoj se nderimet ushtarake dhe zyrtare që iu dhanë Mlladiçit në Serbi ishin fyerje për viktimat e tij dhe për aktgjykimet e gjykatave ndërkombëtare”, deklaroi ai. Kryeministri kroat e përshkroi Mlladiçin si kriminel lufte të dënuar për gjenocidin në Srebrenicë dhe tha se veprimtaria e tij kriminale ishte shtrirë edhe në Kroaci. Plenkoviç theksoi gjithashtu se Kroacia mbështet zgjerimin e BE-së në Ballkanin Perëndimor, por nënvizoi se integrimi evropian kërkon përballje me të kaluarën.