Mallorca në alarm të kuq nga stuhia Adam, parashikohen reshje ekstreme dhe përmbytje

Autoritetet në ishullin spanjoll të pushimeve, Mallorca, shpallën të dielën alarmin e kuq, nivelin më të lartë të paralajmërimit, i cili do të jetë në fuqi deri të hënën në mëngjes. Stuhia Adam, e cila shkaktoi kaos në territorin kontinental të Spanjës gjatë fundjavës për shkak të reshjeve ekstreme, mund të godasë edhe Mallorcën me intensitet të plotë, paralajmëruan autoritetet. Të dielën në mbrëmje, në të gjithë rajonin u dërgua një njoftim i posaçëm alarmi në telefonat celularë, i shoqëruar me një sinjal zanor të fortë paralajmërues. "Shmangni qëndrimin në ambiente të hapura dhe në bodrume“, thuhej në mesazhin e dërguar nga shërbimi i mbrojtjes civile, i cili paralajmëronte për reshje të dendura shiu. Si masë paraprake, shkollat do të qëndrojnë të mbyllura të hënën....