Makinat përplasen “kokë më kokë” në aksin Shkodër–Koplik, disa të plagosur
Një aksident rrugor është regjistruar mëngjesin e sotëm në aksin Shkodër–Koplik, në zonën e Shtojit, ku dy automjete janë përplasur “kokë më kokë”. Si pasojë e aksidentit, disa persona kanë mbetur të plagosur. Ata janë transportuar drejt Spitalit Rajonal të Shkodrës, ku po marrin ndihmën e nevojshme mjekësore dhe po kryejnë ekzaminimet përkatëse, ndërsa nuk dihet si paraqitet gjendja e tyre. Nga përplasja, njëri prej automjeteve, tip “Benz”, ka pësuar dëme të konsiderueshme materiale. Në vendngjarje kanë mbërritur shërbimet e Policisë, të cilat po kryejnë veprimet hetimore për të përcaktuar shkaqet dhe rrethanat e aksidentit.
Burimi:
gijotina.com