Gjumi i dobët lidhet me rritjen e kancerit te të rinjtë

Mungesa e gjumit mund të jetë një nga faktorët që po ndikon në rritjen e rasteve të kancerit tek personat nën moshën 50 vjeç, paralajmërojnë ekspertët. Prej kohësh është sugjeruar se personat që vuajnë rregullisht nga pagjumësia mund të kenë rrezik më të lartë për zhvillimin e disa sëmundjeve, krahasuar me ata që bëjnë gjumë të rregullt dhe cilësor. Çrregullimet e gjumit janë në rritje në Britani, ku pothuajse një e pesta e të rriturve nuk arrijnë të flenë mjaftueshëm. Në të njëjtën kohë, numri i të rinjve të diagnostikuar me kancer është rritur ndjeshëm gjatë tri dekadave të fundit. Ekspertët ende nuk kanë një shpjegim të vetëm për këtë prirje, por në takimin vjetor të Shoqatës Amerikane të Onkologjisë Klinike në Çikago, u ngrit...