“Kush të tha të flasësh”, Manjani: Si ika nga PS pasi e quajta Ramën ‘kalë karroce’ dhe mesazhi i Metës

I ftuar në emisionin “Dekalog” të gazetarit Roland Qafoku në DritareTV, ish-ministri i Drejtësisë, Ylli Manjani, rrëfeu për herë të parë me detaje marrëdhënien me Edi Ramën, debatet në mbledhjet e qeverisë dhe arsyet që çuan në largimin e tij nga posti qeveritar në vitin 2015. “Kam bërë debat për çdo projektligj dhe projektvendim, si me Ramën, ashtu edhe me të tjerët. Rama nuk ishte entuziast që unë të isha pjesë e kabinetit, për shkak të një përplasjeje që kishim pasur më herët,” – u shpreh Manjani, duke theksuar se përkundër mospëlqimit të Ramës, ai u bë ministër i Drejtësisë...