‘Kriza e strehimit po shtyn të rinjtë drejt emigrimit’, PL: Qeveria po përdor ndërtimin për pastrim parash

Partia e Lirisë ka denoncuar përkeqësimin e krizës së strehimit në Shqipëri, duke e cilësuar atë si një ndër faktorët kryesorë që po shtyn të rinjtë dhe familjet e reja drejt emigrimit masiv. Në një deklaratë për mediat, zëvendës Sekretarja e Përgjithshme e PL, Brunila Haxhiu, tha se banesat në Tiranë janë kthyer në luks të papërballueshëm, me çmime më të larta se në Milano, ndërkohë që pagat janë ndër më të ulëtat në Evropë. Sipas saj, të rinjtë që sapo nisin jetën familjare e kanë të pamundur të blejnë apo të marrin me qira një shtëpi në zonat urbane...