Krisje me Erdoganin? Gjermania bllokon shitjen e 40 avionëve luftarakë “Eurofighter” në Turqi

Qeveria e koalicionit në largim e socialdemokratëve dhe të gjelbërve në Gjermani ka vendosur të bllokojë shitjen e avionëve luftarakë Eurofighter Typhoon në Turqi. Sipas gazetës gjermane Handelsblatt, duke cituar burime me njohuri për diskutimet në prapaskenat në qeverinë në largim të Berlinit, arsyeja më e rëndësishme për ndalimin e shitjes së Eurofighters te Ankaraja është burgosja muajin e kaluar e kryetarit të bashkisë së Stambollit dhe kundërshtarit të presidentit turk Rexhep Tajip Erdogan, Ekrem Imamoglu, mbi të cilin rëndojnë akuza për korrupsion. Sipas informacioneve që kanë rrjedhur nga qarqet e qeverisë gjermane, Berlini po kritikon ashpër Erdoganin, duke folur...