KQZ refuzon të paguajë faturat e DHL-së për transportin e votës së diasporës, kërkon dokumentacion të detajuar

Pas përfundimit të procesit të transportimit të votave nga diaspora, kompania postare DHL ka dorëzuar faturat tatimore për vlerën totale prej 9.2 milionë euro, duke kërkuar pagesën e plotë nga Komisioni Qendror i Zgjedhjeve (KQZ). Megjithatë, faturat e dorëzuara nga DHL janë të padetajuara, të ndara vetëm në bazë të muajve dhe dërgimit/kthimit, pa shpjeguar saktësisht numrin e dërgesave për shtete të veçanta, ashtu si kërkohet nga KQZ-ja. KQZ ka refuzuar pagesën në këtë formë dhe ka kërkuar që DHL të paraqesë faturë të veçantë për secilin shtet ku është kryer transporti. Gjithashtu, për secilin shtet kërkohet edhe kopje elektronike...