Koreja e Veriut krah Rusisë në luftën në Ukrainë, rikonfirmon sërish mbështetjen: Ushtria dhe populli rus do të fitojnë

Udhëheqësi i Koresë së Veriut, Kim Jong Un, ka riafirmuar mbështetjen e tij të pakushtëzuar për luftën e Rusisë në Ukrainë gjatë një takimi me Ministrin e Jashtëm rus, Sergei Lavrov, të zhvilluar në qytetin portual Wonsan. Sipas agjencisë shtetërore KCNA, Kim shprehu mbështetjen për “të gjitha masat e marra nga udhëheqja ruse për të trajtuar shkakun rrënjësor të krizës ukrainase”, dhe shprehu bindjen se “ushtria dhe populli rus do të fitojnë në përmbushjen e kauzës së shenjtë të mbrojtjes së dinjitetit dhe interesave themelore të vendit.” Takimi u zhvillua në një “atmosferë të ngrohtë dhe miqësore”, sipas mediave të...