Konflikt mes dy nxënësve në gjimnazin e Krumës, adoleshenti i sulet shokut me biçak

Një konflikt mes dy nxënësve është regjistruar në oborrin e gjimnazit në qytetin e Krumës, në Has. Sipas të dhënave, një 17-vjeçar dyshohet se gjatë lojës është konfliktuar fizikisht me një shok të klasës dhe e ka gërvishtur me një mjet të vogël prerës, biçak. Nxënësi i dëmtuar ka marrë ndihmë mjekësore dhe më pas është larguar për në banesë. Ndaj 17-vjeçarit ka nisur procedim penal. Veprimet janë kryer në praninë e prindërve dhe psikologut, ndërsa rasti është trajtuar edhe me familjet e dy të miturve dhe stafin pedagogjik të shkollës.