Trump premton: Do të publikoj dokumentet për vrasjen e ish-presidentit John Kennedy

Presidenti i sapozgjedhur, Donald Trump, deklaroi të dielën se do të publikonte dokumente të klasifikuara në ditët e ardhshme në lidhje me vrasjet e presidentit të SHBA John F. Kennedy, senatorit Robert Kennedy dhe liderit të të drejtave civile Martin Luther King Jr.
Trump, i cili kthehet në Shtëpinë e Bardhë sot, premtoi gjatë fushatës se do të publikojë dosjet e fshehta të inteligjencës dhe të zbatimit të ligjit për vrasjen e Kennedy në vitin 1963, siç njihet gjerësisht presidenti i 35-të i Amerikës.

“Në ditët në vijim, ne do të bëjmë publike të dhënat e mbetura në lidhje me vrasjet e Presidentit John F. Kennedy, vëllait të tij Robert Kennedy, si dhe Dr. Martin Luther King Jr. dhe tema të tjera me interes të madh publik,” theksoi presidenti amerikan, në një tubim në qendër të Uashingtonit.
Trump nuk specifikoi se cilat dokumente do të publikoheshin dhe nuk premtoi një deklasifikim të plotë.
Djali i Robert Kennedy dhe nipi i tij, kanë thënë se besojnë që CIA ishte përfshirë në vdekjen e xhaxhait të tij, një akuzë që agjencia e ka përshkruar si të pabazë.
Ish-presidenti amerikan u vra gjatë një tubimi në 22 nëntor 1963 në Dallas, Teksas.
Burimi