”Jam Gay”, gazetari flet hapur në Big Brother: Po ndihem i çliruar

Showbiz E Shtunë, 28 Dhjetor 2024 08:47
Sikurse në ”Trroç me Redin” u tregua se çfarë do të ndodhte mbrëmë në Prime, ashtu edhe doli. Gazetari i guximshëm, Vullnet Krasniqi, një nga banorët e ”Big Brother Kosova Vip 3”, ka hapur zemrën dhe ka ndarë me të gjithë të tjera pjesë të jetës së tij, duke përmendur disa prej vështirësive më të mëdha që ka kaluar.
Ai ka folur për periudhën kur kuptoi se ishte homoseksual dhe për procesin e pranimit të seksualitetit të tij. Vullneti ka treguar se nuk ka qenë e lehtë për të pranuar veten dhe se ka kaluar shumë sfida përballë shoqërisë dhe opinionit publik. Ai përmendi momentet e vështira kur ndjeu pasiguri dhe frikë për të shpërndarë identitetin e tij seksual me të tjerët, duke u ndjerë i izoluar dhe i pasigurt.

“Unë e kam kuptu që seksualiteti im nuk është diçka e zakonshme e kjo ka ndodh diku sa isha në shkollën e mesme. Në shkollën e mesme në Drenas dhe në katunin tem ku unë jetoj, dashnia i ka taku një mashkulli dhe një femre dhe çdo diskutim për të kundërten ka qenë përqeshës dhe i ndaluar. Më vonë kur kam fillu me e eksploru vetën e kam kuptu që më shumë kam dashtë me i këqyr meshkujt sesa femrat, unë kam tentu disa herë me jetu jetën siç thonë të tjerët teksa hera e parë qe e kam kuptu që jam ‘gay’ ish dashtë me qenë zbulimi i vetës sikur gjithkund nëpër botë, por në Kosovë nuk është kjo mundësi”, u shpreh Vullneti.
E gjithë kjo fazë siç thotë Vullneti ka qenë e rëndë dhe depresive, teksa vështirësitë e pranimit të seksualitetit të tij e bënin që të jetonte jetën mbi atë siç donin të tjerët ta shihnin. Ai u shpreh se duke e ditur ndikimin e shikueshmërisë dhe thyerjes së tabuve nëpërmjet Big Brother VIP Kosova, shpreson të jetë zëri i të gjithë atyre personave që kanë vështirësi në pranimin e seksualitetit të tyre, duke dashur që të njëjtëve t’u tregojë se nuk janë vetëm dhe se duhet ta jetojnë jetën ashtu siç duan ata e jo siç duan të tjerët.
Burimi