Kanosi për dy vite një të moshuar për t’i marrë para, arrestohet 41-vjeçari në Fier

Një 41-vjeçar është arrestuar nga Policia e Fierit, pasi dyshohet se për rreth dy vite ka kanosur vazhdimisht një 73-vjeçar, me qëllim për t’i marrë një shumë parash. Në pranga ka rënë shtetasi me inicialet I. Sh., banues në Vlorë, i cili u identifikua nga specialistët e Seksionit për Hetimin e Krimeve kundër Pasurisë në Drejtorinë Vendore të Policisë Fier, pas një hetimi të kryer me metoda speciale dhe në vijim të kallëzimit të bërë nga i moshuari. Sipas policisë, 41-vjeçari dyshohet se e kanoste vazhdimisht të moshuarin që prej vitit 2024, duke i kërkuar një shumë parash, të cilën pretendonte se ia kishte borxh djali i 73-vjeçarit. Sipas Policisë, i arrestuari ka precedent penal për krime kundër personit. Materialet procedurale i janë referuar Prokurorisë...