Jose Mourinho merr ofertën që ka pritur prej një dekade, e thërret shtëpia!

25 Prill 2025 17:44 Telesport Federata portugeze e futbollit po shqyrton seriozisht emërimin e Jose Mourinho si trajner i luzitanëve përpara Kupës së Botës 2026. Kjo do të ishte një lëvizje spektakolare dhe një rikthim në shtëpi për “The Special One”. Edhe pse aktualisht është i fokusuar në punën e tij në kampionatin turk, kur të thërret shtëpia, vështirë se mund të refuzosh. Kjo do të ishte gjithashtu mundësia e fundit e Mourinho për të punuar me yllin Cristiano Ronaldo, i cili pritet të jetë i gatshëm për Botërorin në Amerikë.