Rusia kryen sulme të ashpra në Ukrainë, 14 të vrarë dhe dhjetëra të plagosur

Rusia ka kryer një sulm të ashpër ndaj Ukrainës të shtunën, duke vrarë të paktën 14 persona dhe plagosur dhjetëra të tjerë.
Dy raketa balistike goditën qendrën e Dobropillias, në rajonin lindor të Donetskut, duke shkaktuar zjarr në një ndërtesë pesëkatëshe.
Sipas autoriteteve ukrainase, një tjetër sulm u lëshua mbi të njëjtën zonë ndërsa ekipet e emergjencës po përpiqeshin të shpëtonin të mbijetuarit.
Në këtë sulm humbën jetën 11 civilë dhe u plagosën të paktën 30 persona, mes tyre pesë fëmijë. Ndërkohë, tre persona të tjerë humbën jetën dhe shtatë u plagosën nga një sulm me dron në qytetin Bohodukhiv, në rajonin e Kharkivit.
Presidenti ukrainas Volodymyr Zelenskyy e cilësoi bombardimin si një taktikë “të ulët dhe çnjerëzore” nga ana e Rusisë. Ai ka kërkuar rritjen e sanksioneve kundër Moskës, duke theksuar se objektivat e saj nuk kanë ndryshuar.
Sulmet ruse vijnë në një moment kur Ukraina përballet me sfida të shumta në fushën e betejës, mes raporteve për pengesa në furnizimin me armë dhe ndihma ushtarake nga Perëndimi.
Bombardimet ruse ndaj qyteteve ukrainase janë intensifikuar pas një jave të tensionuar në të cilën Trump ka hequr dorë nga shkëmbimi i inteligjencës me Ukrainën dhe ka ndaluar furnizimin me armë amerikane.
Forcat ruse kanë intensifikuar përpjekjet e tyre në rajonin e Kurskut dhe Sumyt, duke kërcënuar pozicionet ukrainase në këto zona.
Sipas burimeve të mediave ukrainase, trupat ruse kanë arritur të depërtojnë në disa sektorë kufitarë, ndërsa raportohet se ushtria ukrainase ka arritur të stabilizojë situatën dhe të shmangë një rrethim të mundshëm. Situata mbetet e tensionuar, me sulme të vazhdueshme ajrore dhe artilerie në rajonet lindore të Ukrainës.

FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.

JOQ Sondazh

KLIKO PËR TË VOTUAR
Burimi