Houthi ultimatum Izraelit: Do ju sulmojmë nëse nuk lejoni ndihmat në Gaza!

Lideri i lëvizjes Houthi në Jemen, Abdul Malik al-Houthi, paralajmëroi të premten se grupi do të rinisë sulmet detare kundër Izraelit nëse nuk hiqet bllokada ndaj ndihmave për Gazën brenda katër ditësh.
Ky grup i mbështetur nga Irani kreu mbi 100 sulme ndaj anijeve nga nëntori 2023, duke deklaruar se vepronin në solidaritet me palestinezët në konfliktin Izrael-Hamas. Sulmet u zvogëluan në janar pas një armëpushimi të përkohshëm.
Gjatë këtyre operacioneve, Houthit fundosën dy anije, kapën një tjetër dhe vranë të paktën katër detarë, duke shkaktuar trazira në tregtinë globale dhe detyruar kompanitë të devijojnë rrugët e tyre drejt Afrikës së Jugut, duke rritur kostot dhe kohën e transportit.
“Ne japim një afat prej katër ditësh. Ky afat është për ndërmjetësuesit e armëpushimit në Gaza që të përpiqen për zgjidhjen e situatës,” deklaroi al-Houthi. “Nëse armiku izraelit pas këtyre katër ditëve vazhdon të ndalojë ndihmat humanitare dhe të mbajë të mbyllura kalimet, ne do të rifillojmë operacionet tona detare kundër tij.”
Më 2 mars, Izraeli ndaloi hyrjen e kamionëve me ndihma në Gaza, duke përshkallëzuar përplasjet me Hamasin, i cili kërkoi ndërhyrjen e Egjiptit dhe Katarit si ndërmjetësues.
Në shkurt, Houthit gjithashtu paralajmëruan se do të ndërmarrin veprime ushtarake nëse SHBA dhe Izraeli përpiqen të zhvendosin me forcë palestinezët nga Gaza.

FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.

JOQ Sondazh

KLIKO PËR TË VOTUAR
Burimi