Hamasi pranon të lirojë 10 pengje izraelite, por kërkon garanci të vërteta për të arritur marrëveshje armëpushimi

Hamasi njoftoi sot se ka rënë dakord të lirojë dhjetë pengje si pjesë e bisedimeve për të arritur një armëpushim në Rripin e Gazës. Sipas organizatës palestineze, pikat që janë ende në negociata janë hyrja e ndihmës humanitare, tërheqja e forcave izraelite nga enklava dhe “garancitë e vërteta” për një armëpushim të përhershëm. Hamasi shtoi se bisedimet janë “të vështira” për shkak të “këmbënguljes së Izraelit”. Kujtojmë se presidenti amerikan, Donald Trump tha dje se një armëpushim në Gaza mund të arrihet këtë javë ose javën tjetër. Top Channel