Google paguan “shuma të mëdha” që aplikacioni Gemini të vijë i instaluar në smartfonët e Samsung

Google ka paguar Samsung çdo muaj që aplikacioni AI Gemini të vijë i instaluar në smartfonët e kompanisë sipas një raporti të Bloomberg. Ky informacion vjen si pjesë e një çështjeje ngritur ndja Google për cënim të konkurrencës. Peter Fitzgerald, zëvendës president i Google për partneritetet me platformat dhe pajisjet, dëshmoi në gjykatën federale duke thënë se ka paguar Samsung për këtë shërbim që prej Janarit të këtij viti. Dy kompanitë kanë një kontratë 2-vjeçare. Fitzgerald i tha gjykatësit Amit Mehta, i cili po ndjek çështjen, se Google i ofron Samsung pagesa mujore dhe një përqindje të ardhurash nga reklamuesit...