Gjermania optimiste për anëtarësimin e shpejtë të Malit të Zi në BE

Ministri i Jashtëm gjerman, Johann Wadephul shprehu të enjten optimizëm në lidhje me përpjekjen e Malit të Zi për t'u anëtarësuar në Bashkimin Evropian, nëse vendi i Ballkanit Perëndimor vazhdon të zbatojë me shpejtësi reformat. Duke folur gjatë konsultimeve mbi zgjerimin e planifikuar të BE-së në Ballkanin Perëndimor në Mal të Zi, Wadephul tha se dëshira e vendit për t'u bashkuar me bllokun po "dëgjohej në Bruksel dhe në të gjitha kryeqytetet evropiane". "Ata që janë të gatshëm dhe të aftë të anëtarësohen në Bashkimin Evropian dhe të përmbushin kriteret, mund të kenë sukses në vitet e ardhshme", tha Wadephul në takimin me homologun e tij malazez Ervin Ibrahimoviç dhe Komisioneren e Zgjerimit të BE-së, Marta Kos në qytetin bregdetar të Budvës. Vendet kandidate për...