Stili i jetesës, faktori kryesor në rritjen e rasteve me kancer tek të rinjtë

Rastet e sëmundjeve tumorale tek të rinjtë janë në rritje, dhe mjekët theksojnë se trajtimi varet nga koha e diagnostikimit. Në Spitalin Onkologjik në QSUT, pacienti më i ri këtë vit është një 17-vjeçar me melanomë, ndërsa një vajzë 23-vjeçare është trajtuar për kancer gjiri, i zbuluar në fazë të hershme.
Sipas mjekëve, mbijetesa varet nga faza e zbulimit dhe lloji i tumorit. Disa pacientë në stade të avancuara mund të jetojnë vetëm disa vite, ndërsa të tjerë, pas trajtimit, mund të rikthehen në një jetë normale për dekada. Ndjekja mjekësore pas trajtimit mbetet jetike për menaxhimin e sëmundjes.
 
Ndër faktorët kryesorë të rrezikut për sëmundjet tumorale, mjekët përmendin stilin e jetesës, faktorët mjedisorë, ushqimin dhe stresin. Për këtë arsye, ata theksojnë rëndësinë e një jetese të shëndetshme dhe kontrolleve të rregullta mjekësore për parandalim dhe diagnostikim të hershëm.
Burimi