Shpallen fituesit, 1624 maturantë fituan të drejtën për të studiuar në Universitetin e Mjekësisë
1624 maturantë do të ulen për herë të parë në auditorët e Universitetit të Mjekësisë për të studiuar në të gjitha degët e tij.
Nga këta 500 do të studiojnë degën Mjekësi e Përgjithshme. Sipas rektorit të ri të këtij Universiteti prof. Xheladin Dracini tanimë janë shpallur edhe fituesit sipas degëve përkatëse.
“Kanë qenë 7312 maturantë që kanë zgjedhur degët e Mjekësisë me mbi 20 mijë aplikime në disa degë të saj nga të cilët janë përzgjedhur 1624”, tha Dracini.
Maturantët që kanë fituar në degët e Universitetit të Mjekësisë janë ata më rezultate shumë të mira me mesatare 9.7.
“Në mjekësi vijnë më të mirët. Këtë e konfirmon edhe testimi i informatizuar i cili bën një tjetër selektim”, shtoi ai.
Maturantët fitues janë në pritje të nisjes së procesit të regjistrimeve i cili nis në 30 gusht dhe zgjat deri në 13 shtator.
“Në 28 është data e ankimimeve dhe në datë 30 nis procesi i regjistrimeve me faza 48 orëshe”, theksoi ai.
Për studentët e Mjekësisë nuk do të këtë kontratë që i detyron të ofruar shërbim shëndetësor në vendin e tyre pasi ligji me ndryshimet e kërkuara nga Gjykata Kushtetuese nuk ka kaluar për miratim në parlament
Tabelë/ Pranimet në Universitetin e Mjekësisë
Dega Kuota pranimi Aplikime
Mjekësi e Përgjithshme 500 2034
Farmaci 110 2149
Shëndet Publik 30 530
Stomatologji 120 2448
Infermieri 380 2931
Fizioterapi 100 1915
Teknik Laboratori 100 2073
Teknik imazherie 110 2143
Mami 88 865
Logopedi 45 1164
Teknik dentar 35 1823
Higjenist dentar 70 799
gijotina.com/
Burimi
