Miratohet rritja e pagave për administratën publike, ja sa përfitojnë pas 1 Korrikut (Lista)

Qeveria ka miratuar rritjen e pagave për punonjësit e administratës publike.
Nga ky vendim, që do të nisë të aplikohet nga 1 korriku do të përfitojnë 135 mijë punonjës të administratës.
“Me miratimin e vendimeve ditën e sotme avancojmë fazën e dytë të politikës së rritjes së pagave, nisur në vitin 2023, nga e cila përfitojnë rreth 135 mijë punonjës te administratës. Përmes zbatimit të kësaj politike paga mesatare në sektorin publik synohet të arrijë në 105 mijë lekë. Pagat e rritura fillojnë të aplikohen në 6 mujorin e dytë të vitit, pra duke filluar nga 1 korriku, me nje kosto të përllogaritur prej afro 11 miliardë lekësh për ketë 6 mujor të dytë të vitit dhe me një kosto totale buxhetore prej afro 40 miliardë lekësh.
Më poshtë mund të shikoni listën e sektorëve që përfitojnë nga rritja e pagave dhe sa shkon ajo.
Ushtria
-Për ushtarin bazë, me rritjen e sotme paga e tij shkon në 71 mijë Lekë
-Rreshteri, 80 mijë Lekë
-Majori, 107 mijë Lekë
-Koloneli, 158 mijë e 500 Lekë
-Gjenerali, 190 mijë Lekë.
-Të gjitha këtyre pagave u shtohet një trajtim ushqimor, prej 16 mijë Lekësh
Zjarrfikësit
-Asistent Zjarri (grada më e ulët) 60 mijë Lekë
-Zjarrfikës 65 mijë Lekë
-Kryezjarrfikës 70 mijë Lekë
-Kryeinspektor zjarrfikës 85 mijë Lekë
-Inspektor zjarrfikës 75 mijë Lekë
-Komisar zjarrfikës 105 mijë Lekë
-Drejtues zjarrfikës 155 mijë Lekë
-Drejtues i parë zjarrfikës 140 mijë Lekë
-Drejtues i lartë zjarrfikës 160 mijë Lekë
Sistemi arsimor
-Paga e mësuesit në arsimin e mesëm të lartë që ka kualifikimin dhe që ka vjetërsi mbi 15 vite pune eksperiencë do shkojë 98 500 Lekë.
-Paga mesatare e mësuesit në arsimin e mesëm të ulët me mbi 15 vite vjetërsi shkon nga 75 800 në 96 000 Lekë.
-Mësuesit e ciklit fillor me mbi 15 vite eksperiencë nga 72 mijë Lekë paga shkon në 95 200 Lekë.
-Punonjësit e shërbimit psiko-social, paga mesatare shkon 910 Euro.
-Për oficerët e sigurisë 800 Euro në muaj si pagë mesatare.
Sistemi shëndetësor
-Të gjithë mjekëve të përgjithshëm u rritet paga me 20 mijë Lekë mbi pagën ekzistuese.
-Të gjithë infermierëve u rritet paga me 15 mijë Lekë mbi pagën ekzistuese.
-Përfitojnë edhe punonjësit e administratës së sistemit shëndetësor, 15 deri në 20 përqind të pagës së tyre aktuale.
Sektori i burgjeve
-Rritja e pagave varion nga 13 deri në 27 përqind.
-Rritja shkon nga 6 mijë Lekë, deri në 33 mijë e 600 Lekë e përshkallëzuar sipas gradave.
-Aspirantët, pjesë e strukturës së Policisë së Burgjeve dhe do paguhen me 80 për qind të pagave të inspektorit.
Burimi