Me paratë e drogës, kullë në Tiranë, gjykata e Brukselit jep dënimi për disa shqiptarë

Gjykata Penale e Brukselit dha sot vendimin për dënimin me 9 vjet burg për dy shqiptarë të përfshirë në atë që njihet si dosja “Black Eagle” në një proces me 40 të pandehur, shqiptarë e kolumbianë, që u zbulua pas deskriptimit të platformës Sky ECC, të përfshirë në një rrjet të trafikut ndërkombëtar të kokainës.
Një ditë pas leximit të aktgjykimit, Gjykata Penale e Brukselit vendosi që shqiptarët Alfredo H. dhe Indrit K. të dënohen me 9 vjet burg. Gjithashtu Alfredo H. u dënua edhe me 8000 euro gjobë dhe konfiskim me vlerë “ex aequo et bono” 625.000 euro.
Ndërsa Indrit K. ka marrë të njëjtin dënim me gjobë, si dhe konfiskim me vlerë 450 mijë euro ex aequo et bono.
Gjykata dha gjithashtu disa dënime me 6 vjet burgim për të pandehurit në mungesë, si dhe disa të tjerë me 5 dhe 4 vjet burg, shumica e tyre pjesërisht të pezulluara. U dënuan edhe dy të pandehur, njëri me tre vjet burg dhe tjetri me 18 muaj me kusht. Më në fund, dy të pandehur u dënuan me punë dhe pesë u liruan nga akuzat.
 
Burimi