Integrimi europian, Rama: BE nuk negocion me qeverinë, por me shtetin shqiptar

Kryeministri Edi Rama ka mbajtur fjalën e tij në mbledhjen e deputetëve socialistë, ku ka folur edhe për Komisionin e Posaçëm për Mirëqeverisjen, Sundimin e Ligjit dhe Antikorrupsionin.
Rama u ndal te procesi i integrimit dhe tha se janë zhvilluar takime të shumta në Bruksel dhe janë përfshirë 157 institucione shqiptare.
“Padrejtësisht u parapërfytyra si përpjekje e PS për të vënë në kontroll drejtësinë. Dua të shtjelloj pak më gjerë arsyet e mëdha për pse e ngritjes së komisionit ‘Antikorrupsion’ dhe domosdoshmërinë e një dallge të re reformash që nuk lodhet vetëm dhe drejtpërdrejtë me qeverinë, por edhe me institucionet e pavarura. E gjithë lënda për të kuptuar nismën gjendet në dokumentet e formulara gjatë dhe në fund të procesit të diagnostikimit të Shqipërisë pas hapjes së negociatave, një proces që në gjuhën e BE, quhet screening. Mundëson leximin deri në qelizë të gjendjes së organizimit të shtetit. Sigurisht pasohet nga recetat për të kuruar deri në fund atë organizëm duke mundësuar që përgatitja për anëtarësimin e shtetit, të Shqipërisë në BE të përfundojë me një diagnozë plotësisht të qartë dhe të suksesshme. Ka qenë një process që ka zgjatur për 14 muaj dhe në të janë përfshirë 157 institucione sepse rëndom krijohet ideja e gabuar që negociatat e shqipërisë me BE janë negociata të qeverisë me BE. Qeveria udhëheq procesin, ka një pjesë të rëndësishme të punës për ta bërë vendin të gatshëm për anëtarëim, por BE nuk negocion me qeverinë, negocion me shtetin shqiptar.
Për të siguruar që diagnoza të shkojë deri në qelizë, procesi ka një numër të jasdhtëzakonshëm për nga intensiteti takimesh mes palëve dhe jabë takime të drejtëpërdrejta shpjeguese, janë bërë 67 të tilla në Bruksel, janë takime koordinuese, 114 të tilla, 777 prezantime janë bërë nga ana e Shqipërisë në tryezën e bisedimeve dhe 232 takime të grupeve ndërinstitucionale të punës. Të gjitha këto shifra janë të nevojshme për të lexuar panormamën.
Dua të prek një pjesë të prezantimeve, thjesht me qëllimin që të gjithë të krijojnë një pamje të shtrirjes dhe thjellësisë së procesit të diagnostikimit. Janë një sërë kapitujsh, duke filluar nga themelorët dhe që kanë si tematika kryesore të transformuara në prezantime, politikat publike, antikorrupsionin, masat ndëshkuese”, tha Rama.
Burimi