Gjenden dy trupa brenda kabinës së jahtit të mbytur në Siçili

Teksa kërkonin rrënojat e jahtit luksoz që u mbyt në brigjet e Siçilisë, zhytësit kanë gjetur trupat e dy nga gjashtë pasagjerët që ishin zhdukur, raporton Reuters.
Jahti Bayesian, me flamur britanik, një velierë prej 56 metrash i gjatë, po transportonte 22 persona dhe ishte ankoruar afër bregut pranë portit të Porticellos kur u shkund nga një tornado në orët e para të mëngjesit.
Sipërmarrësi britanik, Mike Lynch, është zhdukur pasi jahti i tij luksoz u mbyt në brigjet e Siçilisë gjatë një stuhie të furishme.
Një burrë, i cili besohet të jetë kuzhinieri i anijes, është konfirmuar i vdekur së bashku me gjashtë të tjerë.
Lynch dhe vajza e tij 18-vjeçare, Hannah, rezultojnë ende të zhdukur. Roja bregdetare tha se të zhdukurit kishin kombësi britanike, amerikane dhe kanadeze.
Pesëmbëdhjetë persona u shpëtuan, përfshirë gruan e Lynch, Angela Bacares si dhe një vajzë 1-vjeçare e cila u shpëtua nga nëna e saj.
Burimi