VIDEO: Biden prezanton Zelenskyn në konferencë si Putin, ja reagimi i Presidentit ukrainas

 Presidenti i Shteteve të Bashkuara të Amerikës, Joe Biden ka vijuar të enjten serinë e gafave të tij në fjalimet publike. E radhës erdhi në ditën e fundit samitit të NATO-s, mbajtur në Washington ku gjatë ligjëratës së tij, teksa po e ftonte presidentin ukrainas Volodymyr Zelensky në podium, Biden i drejtohet atoj si “President Putin”.
“Tani dua t’i jap fjalën Presidentit të Ukrainës, i cili ka aq guxim sa vendosmëri. Zonja dhe zotërinj, President Putin”, tha Biden.
Në sallë u dëgjuan zëra nga njerëz të ndryshëm, përfshirë dhe diplomatë e liderë botërorë nga e gjithë bota që thirrën, “Zelensky!” për të korrigjuar Biden. Më pas Biden u kthye te mikrofoni dhe tërhoqi gabimin duke thënë:
“Ne do ta mposhtim Presidentin Putin. President Zelensky. Unë isha shumë i fokusuar në mposhtjen e Putinit.”
Pas kësaj dëgjohet Zelensky i cili si për të kaluar me sportivitet këtë situatë të sikletshme thotë: “Unë jam më i mirë”.

 
j.l./ dita 
Burimi