Frika nga hakmarrja pas votës “Jo” në referendum, Islanda kërkon marrëveshje sigurie me BE!

Islanda po përballet me pasojat e rezultatit të referendumit, i cili të shtunën hodhi poshtë rinisjen e negociatave për anëtarësim në BE. Kjo ndodh pasi çështjet kryesore të diskutuara gjatë fushatës mbeten të pazgjidhura – duke filluar nga shqetësimet ekonomike, si inflacioni prej 5,6% dhe normat e interesit prej 8%, e deri te çështja e vendit të shtetit në një botë të paparashikueshme. “Votimi nuk e ka zhdukur situatën tonë gjeopolitike; ajo mbetet dhe ne do të duhet të gjejmë mënyra të tjera për të forcuar sigurinë tonë,” i tha dje agjencisë ‘Reuters’ ministrja liberale e Punëve të Jashtme, Katrín Gunnarsdóttir. Qeveria e qendrës së majtë e kishte shpallur referendumin në një kohë të hershme, nën ndikimin e ambicieve ekspansioniste të Donald Trump-it lidhur me...