Festa e Pashkës sjell fluks në Kapshticë, mbi 10.000 emigrantë hynë nga Greqia në 48 orë

Gjatë 48 orëve të fundit nëpërmjet pikës së kalimit kufitar të Kapshticës kanë hyrë mbi 10.000 emigrantë shqiptarë që jetojnë e punojnë në shtetin grek. Shumica prej tyre kanë përfituar nga ditët pushim për të festuar Festën e Pashkës pranë familjarëve të tyre në Shqipëri. Në pikën e kalimit kufitar të Kapshticës po punohet me 6 sportele, ku paraqitet fluks i lartë por pa shkaktuar radhë të gjata. Policia kufitare shqiptare ka komunikuar me homologët grek për rastet kur fluksi paraqitet më i lartë, për të vijuar kalimin me procedurë të përshpejtuar për emigrantët që janë të pajisur me dokumente...