“Farsa elektorale”/ Berisha publikon pamje dhe shifra: U dhanë 6 mijë leje legalizimi për blerjen e votave në kundërshtim me ligjin zgjedhor

Kryetari i Partisë Demokratike, Sali Berisha, në një konferencë për shtyp këtë të mërkurë, drejtoi akuza të forta ndaj qeverisë dhe kryeministrit Edi Rama, duke e cilësuar procesin zgjedhor të 11 majit si një “farsë elektorale” të organizuar nëpërmjet përdorimit të paligjshëm të shtetit për blerjen e votave. Berisha u mbështet në raportin e delegacionit të Këshillit të Europës, i cili sipas tij, konfirmon kapjen e shtetit nga partia dhe thekson nevojën për ndarjen e shtetit nga politika si dhe reformimin e SPAK-ut, që e cilësoi si të politizuar dhe të kontrolluar nga mazhoranca. Një nga akuzat kryesore të Berishës...