“Ekonomia do të ngadalësohet”, KE: Shkak pagat, rritja e konsumit dhe emigracioni! Banka e Shqipërisë: Ruajmë stabilitetin

Ekonomia shqiptare pritet të ngadalësohet në nivelin e 3.6% deri në vitin 2026. Është ky parashikimi i Komisionit Evropian në raportin e pranverës për Shqipërinë, i cili bazohet te fenomeni i emigracionit, niveli i papunësisë dhe ecuria në tregun e pagave. “Në 2025-2026, rritja e PBB-së parashikohet të jetë e moderuar në krahasim me vitet e mëparshme, por mbetet e qëndrueshme, përkatësisht me 3.6% dhe 3.5%. Rritja e konsumit publik parashikohet të ngadalësohet pasi ndikimi i reformës së pagave publike pritet të zbehet, ndërsa konsumi privat do të mbetet i fortë. Rritja e investimeve mbështetet nga kushte të favorshme financimi...