Skema Kombëtare, Salla: Mbi 5 mijë fermerë kanë aplikuar, numri vijon të rritet

Fermerët në të gjithë vendin mund të aplikojnë nga sot në Skemën Kombëtare të Mbështetjes 2026. Ministri i Bujqësisë dhe Zhvillimit Rural, Andis Salla, deklaroi dje gjatë një konference për mediat se numri i aplikimeve ka kaluar 5 mijë në një kohë shumë të shkurtër. “Para se të vija këtu mora një shifër dhe deri tani janë mbi 5 mijë fermerë që janë online duke aplikuar. Në një kohë shumë të shkurtër ka shumë interes”, u shpreh Salla. Ai bëri të ditur se aplikimet do të jenë të hapura nga 25 maj deri më 25 qershor 2026, ndërsa fermerët mund të përfitojnë nga 12 masat mbështetëse të parashikuara në skemë. Sipas ministrit, procesi i aplikimeve po vijon dhe pritet rritje e mëtejshme e numrit të...