E rëndë në Gjilan, 27-vjeçari dhe një foshnjë gjenden të vdekur në një banesë

Një ngjarje e rëndë është regjistruar mëngjesin e së dielës në fshatin Demiraj të Gjilanit, ku një 27-vjeçar dhe një foshnjë janë gjetur pa shenja jete në një shtëpi. Rastin e ka konfirmuar zëdhënësi i Policisë për rajonin e Gjilanit, Ismet Hashani, i cili bëri të ditur se Policia është njoftuar për ngjarjen rreth orës 08:47, më 1 nëntor 2026. Menjëherë pas marrjes së informacionit, në vendin e ngjarjes kanë dalë njësitet policore, Prokurori i Shtetit dhe ekipi emergjent mjekësor. Ky i fundit ka konstatuar vdekjen e të dy personave. Sipas Policisë, bëhet fjalë për një person të gjinisë mashkullore, i lindur në vitin 1999, dhe një foshnjë. Trupat e pajetë janë dërguar në Institutin e Mjekësisë Ligjore (IML) për obduksion, ndërsa autoritetet kanë nisur...